মছজিদত উদ্ধাৰ গাহৰি মাংস; মাংসৰ টোপোলাত উদ্ধাৰ হৈছিল এগৰাকী যুৱতীৰ ফোন নম্বৰ! আৰক্ষীৰ জেৰাত যুৱতীগৰাকীয়ে যি ক’লে, জানিলে আচৰিত হ’ব আপুনি !

মছজিদত উদ্ধাৰ গাহৰি মাংস; মাংসৰ টোপোলাত উদ্ধাৰ হৈছিল এগৰাকী যুৱতীৰ ফোন নম্বৰ! আৰক্ষীৰ জেৰাত যুৱতীগৰাকীয়ে যি ক’লে, জানিলে আচৰিত হ’ব আপুনি ! গো-মাংসক লৈ বিতৰ্ক চলি থকাৰ মাজতে গুৱাহাটীত মছজিদ চৌহদত উদ্ধাৰ গাহৰিৰ মাংস।

প্ৰগতিশীল বিহালী ডিজিটেল ডেস্ক : দেওবাৰৰ গুৱাহাটীত চাঞ্চল্যকৰ ঘটনা। অচিনাক্ত স্কুটীত আহি দুৰ্বৃত্তই মছজিদ চৌহদত পেলাই থৈ গ’ল গাহৰি মাংসৰ টোপোলা। দুদিনৰ পাছতো সন্ধান নাই মছজিদ গাহৰি মাংস দলিওৱা দুৰ্বৃত্তৰ। পাঞ্জাবাৰীৰ ফকৰউদ্দিন আলী আহমেদ পথৰ দাঁতিত থকা মছজিদৰ চৌহদত লক্ষ্য কৰি দুৰ্বৃত্তই দলিয়াইছিল গাহৰিৰ মাংসৰ টোপোলা। এই ঘটনাক লৈ অঞ্চলটোত তীব্ৰ উত্তেজনাৰ সৃষ্টি হৈছে । ইতিমধ্যে মছজিদ কৰ্তৃপক্ষ আৰক্ষীৰ কাষ চাপিছে ।

কিন্তু লক্ষ্যণীয়ভাৱে গাহৰি মাংসৰ পেকেটত ওলাইছিল এগৰাকী যুৱতীৰ নাম আৰু ফোন নম্বৰ। অঞ্চলটোৰ পৰা সংগ্ৰহ কৰা CCTVত স্পষ্ট হৈছিল স্কুটী লৈ এইটো উপপথত প্ৰৱেশ কৰা দুৰ্বৃত্তৰ গতিবিধি। ফোন নম্বৰ উদ্ধাৰ হোৱা নিউ গুৱাহাটীৰ যুৱতীগৰাকীক দিছপুৰ আৰক্ষীয়ে চলাইছে সোধাপোছা।

উল্লেখ্য যে মুখ্যমন্ত্ৰী ড৹ হিমন্ত বিশ্ব শৰ্মাই শেহতীয়াকৈ মন্দিৰত গো-মাংস উদ্ধাৰ সন্দৰ্ভত বিতৰ্কিত মন্তব্য কৰিছিল। মন্দিৰত গো-মাংস পেলালে মছজিদতো গাহৰি মাংস পেলাব লাগে বুলি এক বিতৰ্কিত মন্তব্য কৰিছিল ৰাজ্যৰ মুখ্যমন্ত্ৰীগৰাকীয়ে। সেই মন্তব্যৰ পিছতেই এই কাৰ্য সংঘটিত হোৱাত মুখ্যমন্ত্ৰীৰ এই মন্তব্যই একাংশক উৎসাহিত কৰা বুলি সচেতন মহলৰ মাজত ব্যাপক চৰ্চা হৈছে।

তদন্তকাৰী দিছপুৰ আৰক্ষীৰ সন্দেহ, যুৱতীগৰাকীৰে সম্পৰ্কত থকা কোনো যুৱকে নাইবা তেওৰ কোনোবা বন্ধুৱে সংঘটিত কৰিছিল এই কাণ্ড। কিন্তু যুৱতীগৰাকীৰ মতে মছজিদত গাহৰি মাংস পেলোৱা সন্দৰ্ভত একেবাৰে অৱগত নহয় যুৱতীগৰাকী। চিঠিখনৰ হাতৰ আখৰো যুৱতীগৰাকীৰ নহয় বুলি আৰক্ষীক দাবী কৰিছে যুৱতীগৰাকীয়ে। গতিকে সমগ্ৰ ঘটনা এতিয়া ৰহস্যৰ আৰত।

লগতে পঢ়ক -

✔ ৰাজ্যত অব্যাহত থাকিব উচ্ছেদ অভিযান আৰু ক'ত ক'ত হ'ব উচ্ছেদ, কি ক'লে মুখ্যমন্ত্ৰী হিমন্ত বিশ্ব শৰ্মায়ে ? - ASSAM CM ON EVICTIONS

✔ বিহালীৰ নাচবৰত শিক্ষয়িত্ৰী মায়া দেৱী উপাধ্যায়ৰ আত্মহনন।

✔ গো-মাংসৰ প্ৰভাৱ; ধুবুৰীত একেদিনাই চকী লৰিল প্ৰায় দুকুৰি আৰক্ষী বিষয়াৰ - POLICE RESHUFFLE IN DHUBRI